قصيده فى بنى عطيه

قــــصــــــيده فــي بنـــي عــطــيــه




ياربعنـا منـي ســلام وتحـيـه



للي لفونـا مـن بعيديـن واقـراب
يامرحبـا ترحيـب والنـار حـيـه
معها يفوح المسك مع زين الأطيـاب
بالـي لفونـا مـن رجـال الحميـه
نعم النسب لاقالو انسـاب واحسـاب
بنـي عطيـه حـي بنـي عطـيـه
في مدحهم مايكفـي لشعـري كتـاب
بني عطيه جـود مـن طيـب نيـه
للضيف والجيران مفتوحـه ابـواب
بنـي عطيـه بالسنيـن العصـيـه
حماية التالي علـى خيـل وركـاب
بني عطيـه عـزوت(ن) صيرميـه
لاجا نهار(ن) فيه للهوش مضـراب
بنـي عطيـه منهيـيـن القضـيـه
لو تصعب الأريا ولو كشـر النـاب
بنـي عطيـه عفـوهـم مقـدريـه
رحمه على المسلم ليا تـاب وانـاب
بنـي عطيـه واهبـيـن العطـيـه
واللي لفـا حظـه تعـلا ولا خـاب
وليـا عطـو مايرتجـو للجـزيـه
مداتهـم جزلـه لعكفـان الأشنـاب
ماقولـهـا ودي بـهـا مكرمـيـه
من باب تمجيد الرجاجيل واعجـاب
مـن دون قاصـر والقبايـل سويـه
والنعم في كـل القبايـل والأنسـاب
وتحيـت(ن) منـي علـى الشاذليـه
بضيوف ربعي ومن لفانا من اصحاب


الشاعر


صــالـــح الــبــلوي