قصيده التميمى فى بنى عطيه المعازه

قصيده كتبتها لحبي الشديد لهذه القبيلة العظيمة والتي تربطني بها اواصر دم ونسب وقرابة
بمناسبة زيارة نسيبي ذياب بن مبارك بن محمد الخمسي العطوي
عندما زارني من منطقة تبوك (بير ابن هرماس ) وشرفني بحضورة في الجوف


ربعن لفوني من ديار المناظير
....................... ذباحة الاقران من غالي الضان

ريف الضيوف اللي نصوهم مسايير
....................... لضيوفهم بنفوسهم عالي الشان

اهل الدلال الوالمات المباهير
....................... الكيف والم دايم بكل الاحيان

ودله على جمر السمر كيفها غير
....................... من شوفها لاشفتها صرت طربان

مافوحوها فوق غاز ودوافير
....................... ولاجيبت بترمس من سواة نسوان

واخص من بين الرجال المناعير
....................... خمسي شليبي من سلايل كحيلان

جلاديه ماحسّبو للمقادير
....................... كسابة الناموس من وقت الاكوان

تعيش يامنهو قطع لي مشاوير
....................... يافارسٍ من نسل فرسان شجعان

الجوف نوّر يوم جيته من البير
....................... وعرعر تنادي وش هالانوار ياصفان

ولاّ القريات بخجل قالت يْصير
....................... هالنور اعرفه مانسيته إلى الان

نورتنا يا ذياب والله تنوير
....................... لانك بعيني يعني انسان انسان

والجادل اللي مالها أي تصوير
....................... فلوه اصيله تربية والد حصان

فديت منهي سيدة للغنادير
....................... قلبه حلالي والله اللي هو اعطان

ياعم منها مابدر أي تقصير
....................... شيخه وانا جدي له السيف دابان

دابان يقصف طول الاعمار لعمير
....................... وياما خذا مما خذا ارواح فرسان

ربعي تميم اللي عظام ومشاهير
....................... قصيرنا ماشاف ضيقة ولاهان

بدع التميمي للرجال المغاوير
....................... قاله وقوله لانطق فيه نيشان

وسلامتكم

كلمات الشاعر / سعود بن محمد بن نهار الغالب التميمي